Esta semana fixemos moitas actividades relacionadas coa PAZ e rematámola todos xuntos no ximnasio cantando e bailando as cancións que preparamos para este ano:
- Que vivan a paz e o amor!
- Cor esperanza
- Danza: Speed the plough
30/1/15
Celebramos o Día da Paz
27/1/15
Vídeo de traballos
Vídeo que recolle os traballos realizados nas aulas con motivo do
DIA ESCOLAR DA PAZ E NON VIOLENCIA 2015
Traballo gañador para a pegatina conmemorativa
Traballo gañador para a pegatina conmemorativa do
DÍA ESCOLAR DA PAZ E NON VIOLENCIA 2015.
Foi realizado na aula de 5º de Infantil como homenaxe a Celso Emilio Ferreiro.
Irmaus
Un poema de Celso Emilio Ferreiro
(Celanova, 1912 - Vigo, 1979)
Camiñan ao meu rente moitos homes.
Non os coñezo. Sonme estranos.
Pero tí, que te alcontras alá lonxe,
máis alá dos desertos e dos lagos,
máis alá das sabanas e das illas,
coma un irmáu che falo.
Si é túa a miña noite,
si choran os meus ollos o teu pranto,
si os nosos berros son igoales,
coma un irmáu che falo.
Un poema de Celso Emilio Ferreiro
(Celanova, 1912 - Vigo, 1979)
Camiñan ao meu rente moitos homes.
Non os coñezo. Sonme estranos.
Pero tí, que te alcontras alá lonxe,
máis alá dos desertos e dos lagos,
máis alá das sabanas e das illas,
coma un irmáu che falo.
Si é túa a miña noite,
si choran os meus ollos o teu pranto,
si os nosos berros son igoales,
coma un irmáu che falo.
Traballos de Infantil
Para conmemorar o DÍA ESCOLAR DA PAZ E NON VIOLENCIA
os nenos e nenas de INFANTIL, xunto coas súas profesoras Mari, Inés, Ana, Cristina, Elisa e Marta, prepararon moitas actividades:- Pombas no acivro
- Mural: "Mans de cores pola PAZ"
- Traballo individual para participar no concurso da Pegatina Conmemorativa
- Canción: "Que vivan a paz e o amor"
26/1/15
Actividades especiais no Día Escolar da PAZ
- Entrega da pegatina conmemorativa:
- "Concurso de lema e debuxo para pegatina"
- Exposición dos debuxos e lemas do concurso
- Mural colectivo de infantil…”POMBAS no acivro”
- Formación de usuarios na Biblioteca
- Elaboración de vídeos conmemorativos
Cancións e bailes:
- “Que vivan a paz e o amor”
- “Color esperanza” (cantada en galego)
- Danza colectiva:
- popular inglesa: “Speed the plough”
23/1/15
Traballo de investigación
Con motivo da vindeira celebración do
DÍA ESCOLAR DA PAZ E NON VIOLENCIA
deixamos aquí este pequeno traballo
sobre os últimos premios Nobel da PAZ
16/1/15
Traballando para celebrar o Día da Paz
Os nenos e nenas de 6º de Infantil están aprendendo moi ben a canción:
14/1/15
Vídeo conmemorativo
Coma cada curso, os alumnos e alumnas de 6º curso preparan a canción que imos cantar todos xuntos o DÍA ESCOLAR DA PAZ E NON VIOLENCIA.
É un traballo preparado na BIBLIOSOÑOS a través da Aula de Música.
13/1/15
Convocatoria para a Pegatina Conmemorativa
Para conmemorar o
DÍA ESCOLAR DA PAZ E NON VIOLENCIA
presentamos a
V CONVOCATORIA para a ELABORACIÓN DE PEGATINA
Estas son as bases:
12/1/15
10/1/15
Preparando o Día Escolar pola Paz
O vindeiro 30 de Xaneiro conmemoraremos, un
ano máis, nos colexios e institutos, o DÍA ESCOLAR POLA PAZ E A
NONVIOLENCIA.
É certo que, polo menos, unha vez no ano,
aproveitamos para falarlle ao noso alumnado sobre este home miúdo,
protagonista principal da independencia da India da coroa británica, da
súa morte violenta en 1948, ou da doutrina da desobediencia civil
pacífica. Mesmo de que inspirou a outros grandes líderes internacionais
como Martin Luther King ou Nelson Mandela, recentemente falecido.
Gandhi nunca recibiu o Premio Nobel da Paz,
a pesares de que fora proposto como candidato ata en cinco ocasións,
entre 1937 e 1948.
Son moitos os pensamentos de Gandhi popularizados. Probablemente a idea
de que "Non hai camiños para a paz, a paz é o camiño" é a máis
recoñecida. Sen embargo ten outras reflexións ben exemplificadoras para
alumnas e alumnos, por exemplo, aquela que fai referencia a que "A
violencia é o medo ós ideais dos demais". Tamén compre lembrar a crítica
demoledora da lei do talión: "Ollo por ollo e remataremos todos cegos".
Ou aquela apelación directa a cada un de nós: "Si queres cambialo
mundo, empeza por cambiarte a ti mesmo"
Suscribirse a:
Entradas (Atom)